Abonentlərin nəzərinə! Bəzi ərazilərin qaz təchizatında müvəqqəti fasilə yaranacaq

Paytaxtın Sabunçu rayonu, Bakıxanov qəsəbəsində qaz xətlərinin yerinin dəyişdirilməsi, Yasamal rayonu, Azərbaycan prospekti ilə Nizami küçələrinin kəsişməsində yeraltı qaz sızmasının ləğv edilməsi məqsədilə ilə 26.12.2024-cü il saat 10:00 etibarən qaz təchizatının dayandırılması planlaşdırılır.

Qaz təchizatı dayandırılan müddətdə Sabunçu rayonunun( Bakıxanov qəsəbəsi), Yasamal və Səbail rayonlarının (Nizami, M.Hüseyn, İ.Səfərli, N.Rəfibəyli, Təbriz Xəlil Rza, M.Sübhi, S.Tağızadə, M.Fətəli, H.Aslanov, Zərgərpalan, M.Muxtarov, Rastropoviç küçələri) bir hissəsinin qaz təchizatında müvəqqəti fasilə yaranacaq.
Həmçinin "Qaz İxrac” İdarəsinə məxsus “Qazıməmməd-Qazax 2-ci xətt” yüksək təzyiqli magistral qaz kəmərində aparılacaq təmir-quraşdırma işləri ilə əlaqədar 26.12.2024-cü il saat 09:30-dan təmir işləri başa çatanadək "Rəncbər" QPS-dən qaz təchizatının dayandırılması planlaşdırılır.
Təmir işləri aparılan müddətdə Hacıqabul rayonunun bir hissəsinin qaz təchizatının dayandırılması, işlər başa çatdıqdan sonra qaz təchizatının bərpası planlaşdırılır.